Песен: 2 Создан:
06.05.2015 Обновлен:
06.05.2015
| 1 Мая | 2024 года |
Навигация
- Мураты болгъанны джюрек тебюую башхады.
- Кийимни бир кюнню аясанг, минг кюннге джарар.
- Тёрдеги кюлсе, эшикдеги ышарыр.
- Джогъун бар этген, барын бал этген.
- Биреуню эскиси биреуге джангы болмайды.
- Этек чакъмакълары баш джаргъан, сёлешген сёзлери таш джаргъан.
- Ашыкъгъанны этеги бутуна чырмалыр.
- Баш болса, бёрк табылыр.
- Айраннга суу къош, телиге джол бош.
- Ариу сёзде ауруу джокъ.
- Аууз сакълагъан – джан сакълар.
- Кёзюнде тереги болгъан, чёбю болгъаннга кюле эди.
- Гитче джилтин уллу элни джандырыр.
- Тас болгъан бычакъны сабы – алтын.
- Къолунгдан къуймакъ ашатсанг да, атаны борчундан къутулмазса.
- Сёз – кюмюш, джыр – алтын.
- Окъумагъан сокъурду, сокъур ташха абыныр!
- Ишленмеклик адамлыкъды.
- Акъдан къара болмаз.
- Татлы сёз – балдан татлы.
- Кёбге таш атма.
- Къартны бурнун сюрт да, оноугъа тут.
- Джукъу тёшек сайламайды.
- Сакъ юйюне сау барыр.
- Кёрмегеннге кебек – танг, битмегеннге сакъал – танг.
- Окъугъанны бети джарыкъ.
- Джюрекден джюрекге джол барды.
- Телини эшигин, махтау джабар.
- Керти сёзге тёре джокъ.
- Тили узунну, намысы – къысха.
- Окъуу – билимни ачхычы, окъуу – дунияны бачхычы.
- Джолунга кёре – джюрюшюнг, джагъанга кёре – юлюшюнг.
- Къумурсхала джыйылсала, пилни да джыгъадыла.
- Намысы джокъну – дуниясы джокъ.
- Биреуню къыйынлыгъы бла кесинге джол ишлеме.
- Рысхысына кёре, джаш ёсер, къышлыгъына кёре, мал ёсер.
- Джумушакъ сёз къаты таякъны сындырыр.
- Къанны къан бла джуума, аманны аман бла къуума.
- Ат да турмайды бир териде.
- Аш иеси бла татлыды.
- Джыйырма къойну юч джыйырма эбзе кюте эди.
- Рысхы – насыбха къор.
- Ашхы адам – халкъ байлыгъы, ашхы джер – джашау байлыгъы.
- Сабийликде юретмесенг, уллу болса – тюзелмез.
- Айран ичген – къутулду, джугъусун джалагъан – тутулду.
- Къая джолда джортма, ачыкъ сёзден къоркъма.
- Мухар, кеси тойса да, кёзю тоймаз.
- Накъырданы арты керти болур.
- Соргъан айыб тюлдю, билмеген айыбды.
- Юйюнгден чыкъдынг – кюнюнгден чыкъдынг.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
