Песен: 7 Создан:
06.05.2015 Обновлен:
06.05.2015
| 1 Мая | 2024 года |
Навигация
- Бети бедерден, намыс сакълама.
- Хар ишни да аллы къыйынды.
- Кёлсюзден сёзсюз тууар.
- Сормай – алма, чакъырылмай – барма.
- Накъырданы арты керти болур.
- Къонагъынгы артмагъын алма да, алгъышын ал.
- Джарлы джети элни сёзюн этер.
- Байлыкъ келсе, акъыл кетер.
- Адамны аманы адамны бети бла ойнар.
- Адеби болмагъан къыз – тузсуз хант.
- Ёлген ийнек сютлю болур.
- Тюзлюк тас болмайды.
- Керти сёзге тёре джокъ.
- Джылыгъа джылан илешир.
- Джашынгы кесинг юретмесенг, джашау юретир.
- Джогъун бар этген, барын бал этген.
- Нарт сёз – тилни бети.
- Мадар болса, къадар болур.
- Суу кетер, таш къалыр.
- Тил бла келеди джыр да.
- Иги адамны бир сёзю эки болмаз.
- Ач къарынны, токъ билмез
- Джылар джаш, атасыны сакъалы бла ойнар.
- Айныгъанлы алты кюн, тогъайгъанлы тогъуз кюн.
- Иги адам абынса да, джангылмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аман хансны – урлугъу кёб.
- Адеб базарда сатылмаз.
- Кирсизни – саны таза, халалны – къаны таза.
- Кёб джашагъан – кёб билир.
- Къалгъан ишге къар джауар.
- Сёлеш деб шай берген, тохта деб, сом берген.
- Аман эсирсе, юйюн ояр.
- Окъдан джара эртде-кеч болса да бителир, сёз джара, ёмюрге къалыр.
- Алма терегинден кери кетмез.
- Чарсда алчыны эл кёреди.
- Адамны артындан къара сабан сюрме.
- Тилчи тилден къаныкъмаз.
- Джырчы ёлсе, джыры къалыр.
- Ойнаб айтсанг да, эслеб айт.
- Аш хазыр болса, иш харам болур.
- Тёрде – темир таякълы, къаяда – чыпчыкъ аякълы.
- Чомарт джарлы болмаз.
- Аджал соруб келмез, келсе, къайтыб кетмез.
- Тешик этген тынчды, аны джамагъан къыйынды.
- Тулпарлыкъ, билекден тюл – джюрекден.
- Туз, гырджын аша, тюзлюк бла джаша.
- Тойгъа барсанг, тоюб бар, эски тонунгу къоюб бар.
- Окъугъанны бети джарыкъ.
- Окъуусуз билим – джокъ, билимсиз кюнюнг – джокъ.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
