Аудио :: Аудио:: Текеев Артур

Термилгенинги табмазса, кюлгенинге тюберсе.
Ишлегенде эринме, ишде чолакъ кёрюнме.
Кёл ашады да, кеси ашады.
Аманны тукъумуна къарама, игини тукъумун сорма.
Адам сёзюнден белгили.
Къонакъ кёб келюучю юйню, къазаны отдан тюшмез.
Бал ашаргъа сюе эсенг, чибин ургъаннга тёз.
Джетген къыз джерли эшекни танымаз.
Махтаннган къыз, тойда джукълар.
Ата Джуртча джер болмаз, туугъан элча эл болмаз.
Ишлегенден, къарагъан уста.
Кийиминг бла танылма, адамлыкъ бла таныл.
Бюгюн дуния кибик, тамбла ахыратды.
Тура эдим джата, къайдан чыкъды хата?
Таш бла ургъанны, аш бла ур.
Бети къызарыучу адамны, джюреги харам болмаз.
Юйлю уругъа ит чабмаз.
Джырчы ёлсе, джыры къалыр.
Ётюрюкню башын керти кесер.
Тёрени джагъы джокъ.
Билмейме деген – бир сёз
Ёлген аслан – сау чычхан.
Джангыз торгъай джырламаз.
Ашха уста, юйюнде болсун
Аманнга игилик этсенг, юйюнге сау бармазса.
Джыланны къуйругъундан басарынг келсе, аны башы болгъанын унутма.
Бек анасы джыламаз.
Бойнуму джети джерден кессенг да, мен ол ишни этеллик тюлме.
Чабакъсыз кёлге къармакъ салгъанлыкъгъа, чабакъ тутмазса.
Этни да ашады, бетни да ашады.
Билим насыб берир, билим джолну керир.
Джашлыкъ этмеген, башлыкъ этмез.
Тюзлюк шохлукъну бегитир.
Джол бла сёзню къыйыры джокъ.
Тойгъа барсанг, тоюб бар, эски тонунгу къоюб бар.
Таула не мийик болсала да, аууш табылыр.
Акъыллы – эл иеси, тели – эл баласы.
Акъыл аздырмаз, билим тоздурмаз.
Джарлы джети элни сёзюн этер.
Ёлюк кебинсиз къалмаз.
Сакъ юйюне сау барыр.
Аман киши кеси юйюнде – къонакъ.
Ышармагъан – кюлмез, кюлмеген – къууанчны билмез.
Борчунг бар эсе, хурджунунга ойлаб узал.
Къуллукъчума, деб махтанма, къуллукъ – хаух джамчыды!
Ёзденликни джайгъан – джокълукъ.
Ашхы сёз таш тешер.
Элиб деген, элге болушур.
Таугъа чыгъаллыкъ эсенг, тюзде къалма.
Адамны сабийин сюйген джюреги, бычакъча, джитиди.

Логин:	Регистрация

Пароль:	Забыли пароль?

Запомнить меня

Аудио

Текеев Артур

Скачать

Адрес