Песен: 4 Создан:
06.05.2015 Обновлен:
06.05.2015
| 1 Мая | 2024 года |
Навигация
- Атадан ёксюз – бир ёксюз, анадан ёксюз – эки ёксюз.
- Къалгъан ишге къар джауар.
- Халкъгъа джарагъан, джарлы къалмаз.
- Къонагъынгы артмагъын алма да, алгъышын ал.
- Окъугъанны бети джарыкъ.
- Аман адам этегингден тутса, кес да къач.
- Бозаны арты дауур болур.
- Ашда уялгъан – мухар, ишде уялгъан – хомух.
- Джуртун къоругъан озар.
- Ёксюзню къалачы уллу кёрюнюр.
- Дуния малгъа сатылма, кесингден телиге къатылма.
- Адамны аты башхача, акъылы да башхады.
- Таякъ этден ётер, тил сюекден ётер.
- Ашын ашагъанынгы, башын да сыйла.
- Керти сёзге тёре джокъ.
- Аджал соруб келмез, келсе, къайтыб кетмез.
- Акъылсызны джууукъгъа алма, акъыллыны кенгнге салма.
- Уллу айтханны этмеген – уллаймаз.
- Юреннген ауруу къалмаз.
- Ашыкъгъан cуу, тенгизге джетмез.
- Эртде тургъан джылкъычыны эркек аты тай табар.
- Ёлген аслан – сау чычхан.
- Ёлмесенг да, къарт дамы болмазса?
- Бет бетге къараса, бет да джерге къарар.
- Аманнга да, игиге да оноусуз къатышма.
- Суу ичген шауданынга тюкюрме.
- Чомарт къонакъ юй иесин сыйлар.
- Битмегеннге сакъал – танг.
- Зар адам ашынгы ашар, кесинги сатар.
- Ашхы сёз таш тешер.
- Ата – билек, ана – джюрек!
- Аууздан келген, къолдан келсе, ким да патчах болур эди.
- Ачны эсинде – аш.
- Джеринден айырылгъан – джети джылар, джуртундан айырылгъан – ёлгюнчю джылар.
- Тешик этген тынчды, аны джамагъан къыйынды.
- Адамны артындан къара сабан сюрме.
- Бермеген къол, алмайды.
- Чомарт бергенин айтмаз.
- Тойну къарнашы – харс, джырны къарнашы – эжиу.
- Телини эшигин, махтау джабар.
- Кийиминг бла танылма, адамлыкъ бла таныл.
- Биреу къой излей, биреу той излей.
- Аякъларынгы джууургъанынга кёре узат.
- Айтхан – тынч, этген – къыйын.
- Айныгъанлы алты кюн, тогъайгъанлы тогъуз кюн.
- Адамгъа аман кюн соруб келмейди.
- Джети тилни билген джети кишиди.
- Байма, деб да, къууанма, джарлыма, деб да, джылама.
- Бозанг болмагъан джерге, къалагъынгы сукъма.
- Тил джюрекге джол ишлейди.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
