Песен: 3 Создан:
06.05.2015 Обновлен:
06.05.2015
| 1 Мая | 2024 года |
Навигация
- Джахил болса анасы, не билликди баласы?
- Ишлемеген – тишлемез.
- Мен да «сен», дейме, сен да «кесим», дейсе.
- Тёрде – темир таякълы, къаяда – чыпчыкъ аякълы.
- Чомартны къолун джокълукъ байлар.
- Кимни – тили, тиши онглу, кимни – къолу, иши онглу.
- Ата – билек, ана – джюрек!
- Тойгъан джерден туугъан джер игиди.
- Тыш элде солтан болгъандан эсе, кесинги элде олтан болгъан игиди!
- Сёз сёзню айтдырыр.
- Ышармагъан – кюлмез, кюлмеген – къууанчны билмез.
- Таш ата билмеген, башына урур.
- Этни да ашады, бетни да ашады.
- Ач отунчуну ачыуу – бурнунда.
- Хунаны тюбюн къазсанг, юсюнге ауар.
- Биреуге аманлыкъ этиб, кесинге игилик табмазса.
- Бал чибинни ургъаны – ачы, балы – татлы.
- Кёлсюзден сёзсюз тууар.
- Кийим тукъум сордурур.
- Аш кетер да бет къалыр.
- Эски джаугъа ышанма.
- Ариу джол аджал келтирмез.
- Бал ашаргъа сюе эсенг, чибин ургъаннга тёз.
- Джаш къарыу бла кючлю, къарт акъыл бла кючлю.
- Арба аугъандан сора, джол кёргюзтюучю кёб болур.
- Къууут – джелге, берне – бошха.
- Эртде тургъан бла эртде юйленнген сокъуранмаз.
- Намыс болмагъан джерде, насыб болмаз.
- Джюз элде джюз ёгюзюм болгъандан эсе, джюз джууугъум болсун.
- Эки итни арасына сюек атма, эки адамны арасында сёз чыгъарма.
- Айранын берсенг, челегин да къызгъанма.
- Намысы болмагъанны, сыйы болмаз.
- Тюзлюк шохлукъну бегитир.
- Окъуусуз билим – джокъ, билимсиз кюнюнг – джокъ.
- Къыйынлы джети элни къайгъысын этер.
- Бир абыннган – минг сюрюнюр.
- Рысхысына кёре, джаш ёсер, къышлыгъына кёре, мал ёсер.
- Айраннга суу къош, телиге джол бош.
- Кёб джат да, бек чаб.
- Джырчы джырчыгъа – къарнаш.
- Бир онгсуз адам адет чыгъарды, деб эштирик тюлсе.
- Кёбню кёрген – кёб билир.
- Иги – алгъыш этер, аман – къаргъыш этер.
- Къайгъы тюбю – тенгиз.
- Келинни – келгинчи, бёркню кийгинчи кёр.
- Акъыл къартда, джашда тюйюлдю – башдады.
- Зар адам ашынгы ашар, кесинги сатар.
- Дууулдаса – бал чибин, къонса – къара чибин.
- Малны кют, джерни тюрт.
- Юй ишлеген балта эшикде къалыр.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
