Аудио :: Аудио:: Алиев Заур

Тойчу джашха къарама, къойчу джашха къара.
Рысхысына кёре, джаш ёсер, къышлыгъына кёре, мал ёсер.
Кийимни бичсенг, кенг бич, тар этген къыйын тюлдю.
Джашынгы кесинг юретмесенг, джашау юретир.
Айыбны суу бла джууалмазса.
Ашха уста, юйюнде болсун
Ойнай-ойнай кёз чыгъар.
Уруну арты – къуру.
Кютгени беш эчки, сызгъыргъаны уа, джерни джарады.
Азыгъы аз, алгъа къабар, аты аман, алгъа чабар.
Джолунга кёре – джюрюшюнг, джагъанга кёре – юлюшюнг.
Экеулен сёлеше тура эселе, орталарына барыб кирме.
Аман киши кеси юйюнде – къонакъ.
Уллу айтханны этмеген – уллаймаз.
Агъач – джерни чырайы, кийим – эрни чырайы.
Тойну къарнашы – харс, джырны къарнашы – эжиу.
Джаз бир кюнню джатсанг, къыш талай кюнню абынырса.
Ашхы атаны – джашы ашхы, ашхы ананы – къызы ашхы.
Терек ауса, отунчу – кёб.
Иги адамны бир сёзю эки болмаз.
Ач отунчуну ачыуу – бурнунда.
Суу кетер, таш къалыр.
Джумушакъ сёз къаты таякъны сындырыр.
Башланнган иш битер, къымылдагъан тиш тюшер.
Хантына кёре тузу, юйюне кёре къызы.
Нёгерсизни джолу узун.
Джеринден айырылгъан – джети джылар, джуртундан айырылгъан – ёлгюнчю джылар.
Оюмсуз атлагъан, аджалсыз ёлюр.
Юйюнгден чыкъдынг – кюнюнгден чыкъдынг.
Ишленмеклик адамлыкъды.
Джарлы эскисин джамаса, къууаныр.
Къарнынг ауруса, ауузунгу тый
Бир абыннган – минг сюрюнюр.
Адеби болмагъан къыз – тузсуз хант.
Ариу сёзде ауруу джокъ.
Кёлсюзден сёзсюз тууар.
Чомарт къонакъ юй иесин сыйлар.
Къарт айтханны этмеген, къартаймаз.
Иги сеники эсе да, сюйген кесимикин этеме.
Мухар, кеси тойса да, кёзю тоймаз.
Халкъны юйю – туугъан джери.
Ат басханны джер билед.
Таукел адам тау тешер.
Къуллукъчума, деб махтанма, къуллукъ – хаух джамчыды!
Къазанда болса, чолпугъа чыгъар.
Ата Джуртуму башы болмасам да, босагъасында ташы болайым.
Къарт бла баш аша, джаш бла аякъ аша.
Къарнынг тойгъунчу аша да, белинг талгъынчы ишле.
Тура эдим джата, къайдан чыкъды хата?
Кёл – къызбай, къол – батыр.

Логин:	Регистрация

Пароль:	Забыли пароль?

Запомнить меня

Аудио

Алиев Заур

Скачать

Адрес