Аудио :: Аудио:: Джукаев Рашит

Тели турса – той бузар.
Акъыл къартда, джашда тюйюлдю – башдады.
Юйюнгден чыкъдынг – кюнюнгден чыкъдынг.
Юй кюйдю да, кюйюз чыкъды, ортасындан тюйюш чыкъды.
Агъач – джерни чырайы, кийим – эрни чырайы.
Мадар болса, къадар болур.
Сёлеш деб шай берген, тохта деб, сом берген.
Зар адам ашынгы ашар, кесинги сатар.
Хазыр ашха – терен къашыкъ.
Къыз тиширыу кеси юйюнде да къонакъды.
Ишлегенде эринме, ишде чолакъ кёрюнме.
Адеби болмагъан къыз – тузсуз хант.
Иги бла джюрюсенг, джетерсе муратынга, аман бла джюрюсенг, къалырса уятха.
Онгсузну – джакъла, тенгликни – сакъла.
Суу да къайтады чыкъгъан джерине.
Джарлы джети элни сёзюн этер.
Аманнга игилик этсенг, юйюнге сау бармазса.
Сабийни джумушха джибер да, ызындан бар.
Тин – байлыгъынг, терен саулугъунг.
Ётюрюкден тюбю джокъ, кёлтюрюрге джиби джокъ.
Рысхы – насыбха къор.
Ёксюзню тилеги къабыл болур.
Акъыллы – эл иеси, тели – эл баласы.
Иги адамны бир сёзю эки болмаз.
Къулакъдан эсе, кёзге ышан.
Иесиз малны бёрю ашар.
Билмейме деген – бир сёз
Чыкълы кюнде чыкъмагъан, чыкъса къуру кирмеген.
Миллетни бойну – базыкъ, аны бла кюрешген – джазыкъ.
Джылкъыдан – ат чыгъар, тукъумдан – джаш чыгъар.
Сакъалы текени да бар, мыйыгъы киштикни да бар.
Къолунгдан къуймакъ ашатсанг да, атаны борчундан къутулмазса.
Башы джабылгъан челекге, кир тюшмез.
Терслик кетер, тюзлюк джетер.
Къарнынг ауруса, ауузунгу тый
Къошда джокъгъа – юлюш джокъ.
Къонагъы джокъну – шоху джокъ.
Чомарт къонакъ юй иесин сыйлар.
Дженгил джетерикме деб, узун джолну къоюб, къысхасын барма.
Телини эшигин, махтау джабар.
Джукъу тёшек сайламайды.
Ёмюрлюк шохлукъну джел элтмез.
Айран тёгюлсе, джугъусу къалыр.
Гугурук къычырмаса да, тангны атары къалмаз.
Тамырсыз терекге таянма – джыгъылырса.
Хаухну атма, ёнгкючню сатма.
Уллу къашыкъ эрин джыртар.
Кёз – сюйген джерде, къол – ауругъан джерде.
Ашда – бёрю, ишде – ёлю.
Хата – гитчеден.

Логин:	Регистрация

Пароль:	Забыли пароль?

Запомнить меня

Аудио

Джукаев Рашит

Скачать

Адрес