Песен: 8 Создан:
06.05.2015 Обновлен:
06.05.2015
| 1 Мая | 2024 года |
Навигация
- Къар – келтирди, суу – элтди.
- Ёмюрлюк шохлукъну джел элтмез.
- Адам къыйынлыгъын кёлтюрюр, зауукълугъун кёлтюрмез.
- Бал – татлы, балдан да бала – татлы.
- Акъыллы башны – тили къысха.
- Ач отунчуну ачыуу – бурнунда.
- Адамны артындан къара сабан сюрме.
- Акъылсызны джууукъгъа алма, акъыллыны кенгнге салма.
- Тау башында, тау болмаз, джангыз терек, бау болмаз.
- Ашаса, ашамаса да, бёрюню ауузу – къан.
- Сыфатында болмагъаны, суратында болмаз.
- Ач бёрюге мекям джокъ.
- Къанны къан бла джуума, аманны аман бла къуума.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Биреуге аманлыкъ этиб, кесинге игилик табмазса.
- Акъыл къартда, джашда тюйюлдю – башдады.
- Къарт айтханны этмеген, къартаймаз.
- Тынгылагъан тынгы бузар.
- Ургъан суудан башынгы сакъла.
- Хоншуну тауугъу къаз кёрюнюр, келини къыз кёрюнюр.
- Зар адам ашынгы ашар, кесинги сатар.
- Гырджын – тепсини тамадасы.
- Аманны къуугъан, аманлыкъ табар.
- Ушамагъан – джукъмаз.
- Адеби болмагъан къыз – тузсуз хант.
- Кёзню ачылгъаны – иги, ауузну джабылгъаны – иги.
- Алма терегинден кери кетмез.
- Дженгил джетерикме деб, узун джолну къоюб, къысхасын барма.
- Ашда – бёрю, ишде – ёлю.
- Татлы сёз – балдан татлы.
- Ач къарным, тынч къулагъым.
- Джыланны къуйругъундан басарынг келсе, аны башы болгъанын унутма.
- Тюз сёз баргъан сууну тыяр.
- Чакъырылмагъан къонакъ тёрге атламаз.
- Аш иеси бла татлыды.
- Сакъ юйюне сау барыр.
- Байны оноуу, джарлыгъа джарамаз.
- Кийимни бир кюнню аясанг, минг кюннге джарар.
- Бир абыннган – минг сюрюнюр.
- Тилсиз миллет джокъ болур.
- Тамчы таш тешер.
- Аш кетер да бет къалыр.
- Сёз сёзню айтдырыр.
- Билим къая тешер.
- Этек чакъмакълары баш джаргъан, сёлешген сёзлери таш джаргъан.
- Сёз – кюмюш, джыр – алтын.
- Керилген да, ургъан кибикди.
- Ариу сёз – джаннга азыкъ, аман сёз – башха къазыкъ.
- Эски джаугъа ышанма.
- Эрине къаргъыш этген къатын, эрнин къабар.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
