Аудио :: Аудио:: Туменова Айшат

Эски джаугъа ышанма.
Къар – келтирди, суу – элтди.
Экеу тутушса, биреу джыгъылыр.
Ашхы адам – халкъ байлыгъы, ашхы джер – джашау байлыгъы.
Борчунг бар эсе, хурджунунга ойлаб узал.
Мухарны эси – ашарыкъда.
Ашыкъгъанны этеги бутуна чырмалыр.
Орундукъ тюбюнде атылсам да, орта джиликме, де да айлан.
Мал ёлсе, сюек къалыр, адам ёлсе, иши къалыр.
Ханнга да келеди хариблик.
Чомарт джарлы болмаз.
Таякъ этден ётер, тил сюекден ётер.
Нарт сёз – тилни бети.
Иши джокъну, сыйы джокъ.
Айранны сюйген, ийнек тутар.
Келинни – келгинчи, бёркню кийгинчи кёр.
Урама да – ёледи, сатама да – келеди.
Юреннген ауруу къалмаз.
Уллу суу бла уллу ауруудан башынгы сакъла.
Нафысынгы айтханын этме, намысынгы айтханын эт.
Атлыны кёрсе, джаяуну буту талыр.
Къазанчы аман болса, къазаны къайнамаз.
Халкъны юйю – туугъан джери.
Кёпюр салгъан кеси ётер, уру къазгъан кеси кетер.
Тели турса – той бузар.
Ургъан суудан башынгы сакъла.
Къозулугъунда тоймагъан, къойлугъунда тоймаз.
Ёлмесенг да, къарт дамы болмазса?
Уллу сёлешме да, уллу къаб.
Гыдай эчки суугъа къараб, мюйюзле кёрмесе, джашма алкъын, дегенди.
Эрни эр этерик да, къара джер этерик да, тиширыуду.
Тенги кёбню джау алмаз, акъылы кёбню дау алмаз.
Ата Джуртча джер болмаз, туугъан элча эл болмаз.
Эллинг бла джау болсанг да, юйюнг бла джау болма.
Джырчы джырчыгъа – къарнаш.
Адебсиз адам – джюгенсиз ат.
Джарлы эскисин джамаса, къууаныр.
Башда акъыл болмаса, эки аякъгъа кюч джетер.
Къызгъанчдан ычхыныр, мухардан ычхынмаз.
Намысы джокъну – дуниясы джокъ.
Aдам боллукъ, сыфатындан белгили.
Малны кют, джерни тюрт.
Ашда – бёрю, ишде – ёлю.
Адам сёзюнден белгили.
Халкъны джырын джырласанг, халкъ санга эжиу этер.
Ариу сёзде ауруу джокъ.
Кёрмегеннге кебек – танг, битмегеннге сакъал – танг.
Ариу сёз – къылычдан джити.
Ойнай-ойнай кёз чыгъар.
Ётюрюк хапар аякъ тюбю бла джюрюйдю.

Логин:	Регистрация

Пароль:	Забыли пароль?

Запомнить меня

Аудио

Туменова Айшат

Скачать

Адрес