- Джигер – джаннга къыйынлыкъ.
- Чомарт къолда мал къалмаз.
- Башсыз урчукъ тюзюне айланмаз.
- Окъ къызбайны джокълайды.
- Мадар болса, къадар болур.
- Къыйынлы джети элге оноу этер.
- Aдам боллукъ, сыфатындан белгили.
- Танг атмайма десе да, кюн къоярыкъ тюйюлдю.
- Ариу сёзде ауруу джокъ.
- Бёрю да ач къалмасын, эчки да ашалмасын.
- Къыз келсе, джумуш эте келеди, къатын келсе, ушакъ эте келеди.
- Кёз – сюйген джерде, къол – ауругъан джерде.
- Айырылмаз джууугъунга, унутмаз сёзню айтма.
- От кюйдюрген, сау болса да, тот кюйдюрген, сау болмаз.
- Къарт айтханны этмеген, къартаймаз.
- Тура эдим джата, къайдан чыкъды хата?
- Иги – алгъыш этер, аман – къаргъыш этер.
- Келинин тута билмеген, къул этер, къызын тута билмеген, тул этер.
- Байдан умут эте, джарлыдан ёгюз багъасы къорады.
- Джаным-тиним – окъуу, билим.
- Тюзню ётмеги тюзде къалса да, тас болмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Ишленмеген джаш – джюгенсиз ат, ишленмеген къыз – тузсуз хант.
- Акъыллы – эл иеси, тели – эл баласы.
- Атадан ёксюз – бир ёксюз, анадан ёксюз – эки ёксюз.
- Ёнгкюч къууана барыр, джылай келир.
- Кеси юйюмде мен да ханма.
- Аманны къуугъан, аманлыкъ табар.
- Туз, гырджын аша, тюзлюк бла джаша.
- Сагъыш – къартлыкъгъа сюйюмчю.
- Хантына кёре тузу, юйюне кёре къызы.
- Гыдай эчки суугъа къараб, мюйюзле кёрмесе, джашма алкъын, дегенди.
- Джукъу тёшек сайламайды.
- Узун джолну барсанг, бюгюн келирсе, къысха джолну барсанг, тамбла келирсе.
- Билмезни кёзю кёрмез, этмезни къулагъы эшитмез.
- Арпа, будай – ащды, алтын, кюмюш а – ташды.
- Билимден уллу байлыкъ джокъду.
- Рысхы – насыбха къор.
- Башы ишлегенни, ауузу да ишлер.
- Сабийликде юретмесенг, уллу болса – тюзелмез.
- Окъугъанны бети джарыкъ.
- Кечеси – аяз, кюню – къыш, джарлы къаргъагъа бир аш тюш!
- Уллу суу бла уллу ауруудан башынгы сакъла.
- Кёлсюзден сёзсюз тууар.
- Къатыны харакетли болса, эри къымсыз болур.
- Ёзденликни кёбю ётюрюк.
- Тойгъан джерге джети къайт.
- Терслик кетер, тюзлюк джетер.
- Сагъышы джокъ – джукъучу, акъылы джокъ – къаугъачы.
- Абынмазлыкъ аякъ джокъ, джангылмазлыкъ джаякъ джокъ.
Башха затла :: Разное
Темы |
Ответы | Просмотры | Обновление | |
---|---|---|---|---|
На пути к мечте... (
|
45 | 22322 | ||
5 | 2670 | |||
Объявления, приглашения, конкурсы, прогнозы - все важное и нужное ·
|
42 | 13634 | ||
Придумай смешную подпись к фотографии (
|
200 | 32809 | ||
Кафе Романтика... (
|
48 | 11563 | ||
Туугъан элим!!! (
|
141 | 30909 | ||
206 | 23019 | |||
99 | 9288 | |||
15 | 6204 | |||
9 | 2737 | |||
Сообщение Бин Аль Асира (XIII век), как свидетельство ошибчности мнения о влиянии кипчаков на этногенез карачаево-балкарцев. ·
|
170 | 41918 | ||
32 | 17198 | |||
|
78 | 27666 | ||
6 | 3858 | |||
СОВЕТЫ МУДРОСТИ ВСЕХ ВРЕМЕН И НАРОДОВ. (
|
164 | 52754 | ||
19 | 13005 | |||
276 | 66973 | |||
Как забыть дорогу на форум!? (
|
300 | 31127 | ||
Сейчас на форуме (гостей: 28)