Расширенный поиск
7 Мая 2024 года
Логин: Регистрация
Пароль: Забыли пароль?
Навигация
Словарь
  • Адамны артындан къара сабан сюрме.
  • Къызгъанчдан ычхыныр, мухардан ычхынмаз.
  • Байлыкъ тауусулур, билим тауусулмаз.
  • Абынмазлыкъ аякъ джокъ, джангылмазлыкъ джаякъ джокъ.
  • Ана къойну – балагъа джандет.
  • Уллу къазанда бишген эт, чий къалмаз.
  • Къызны минг тилер, бир алыр.
  • Айырылгъанланы айю ашар, бёлюннгенлени бёрю ашар.
  • Агъач халкъгъа алтынды, иссиликге салкъынды.
  • Ёзденликни кёбю ётюрюк.
  • Дууулдаса – бал чибин, къонса – къара чибин.
  • Сыфатында болмагъаны, суратында болмаз.
  • Махтаннган къыз, тойда джукълар.
  • Хантына кёре тузу, юйюне кёре къызы.
  • Хар сёзню орну барды.
  • Чакъырылмагъан къонакъ – орунсуз.
  • Айран ичген – къутулду, джугъусун джалагъан – тутулду.
  • Джылыгъа джылан илешир.
  • Биреуню къыйынлыгъы бла кесинге джол ишлеме.
  • Къая джолда джортма, ачыкъ сёзден къоркъма.
  • Къулакъдан эсе, кёзге ышан.
  • Джол бла сёзню къыйыры джокъ.
  • Кесине оноу эте билмеген, халкъына да эте билмез.
  • Къызын тута билмеген, тул этер, джашын тута билмеген, къул этер.
  • Ауузу аманнга «иги», деме.
  • Дуния аламаты сен эсенг да, игиме деб айтма.
  • Тёзген – тёш ашар!
  • Гугурук къычырмаса да, тангны атары къалмаз.
  • Баргъанынга кёре болур келгенинг.
  • Олтуруб кёрюнмей эди да, ёрге туруб кёрюне эди.
  • Тыш элде солтан болгъандан эсе, кесинги элде олтан болгъан игиди!
  • Ёлген ийнек сютлю болур.
  • Ач – эснер, ат – кишнер.
  • Аманнга игилик этсенг, юйюнге сау бармазса.
  • Атлыны кёрсе, джаяуну буту талыр.
  • Иги болса, тамадама – махтау, аман болса, меннге – айыб.
  • Шайтан алдады, тюзлюк къаргъады.
  • Тилчи тилден къаныкъмаз.
  • Байны оноуу, джарлыгъа джарамаз.
  • Аууздан келген, къолдан келсе, ким да патчах болур эди.
  • Окъумагъан сокъурду, сокъур ташха абыныр!
  • Элге къуллукъ этмеген, элге ие болмаз.
  • Ана къолу ачытмаз.
  • Мени джылытмагъан кюн, меннге тиймесин!
  • Кёзден кетген, кёлден да кетеди.
  • Аякъларынгы джууургъанынга кёре узат.
  • Билим ат болуб да чабар, къуш болуб да учар.
  • Къоркъакъны кёзю экили кёрюр.
  • Акъыллы эркиши атын махтар, акъылсыз эркиши къатынын махтар.
  • Сабыр джетер муратха, сабырсыз къалыр уятха.

Фотографии

+ Создать галерею
Альбомы Эльбрусоида / Современники

"ГОРЕЦ" в Португалии

Фотографий - 20