Следы нашей истории (Tarihibizni izlari)
Фотографий - 156
| 28 Апреля | 2024 года |
Навигация
- Гугук кесини атын айтыб къычыргъанча, мен, мен деб нек тураса?
- Ана кёлю – балада, бала кёлю – талада.
- Айырылмаз джууугъунга, унутмаз сёзню айтма.
- Уллу сёзде уят джокъ.
- Джаз бир кюнню джатсанг, къыш талай кюнню абынырса.
- Ёксюзню къалачы уллу кёрюнюр.
- Шапа кёб болса, аш татымсыз болур.
- Ашхы адам – халкъ байлыгъы, ашхы джер – джашау байлыгъы.
- Ёмюрлюк шохлукъну джел элтмез.
- Бети къызарыучу адамны, джюреги харам болмаз.
- Кёпюр салгъан кеси ётер, уру къазгъан кеси кетер.
- Байны къызы баймакъ болса да, юйде къалмаз!
- Къонакъ кёб келюучю юйню, къазаны отдан тюшмез.
- Адамны бетине къарама, адетине къара.
- Тойну къарнашы – харс, джырны къарнашы – эжиу.
- Ауругъаннга – кийик саулукъ, джетген къызгъа – чилле джаулукъ.
- Кечеси – аяз, кюню – къыш, джарлы къаргъагъа бир аш тюш!
- Дууулдаса – бал чибин, къонса – къара чибин.
- Аманнга алтын чыдамаз.
- Чомартха Тейри да борчлуду.
- Къонакъ аз олтурур, кёб сынар.
- Ашыкъгъанны этеги бутуна чырмалыр.
- Тас болгъан бычакъны сабы – алтын.
- Намыс сатылыб алынмайды.
- Тыш элде солтан болгъандан эсе, кесинги элде олтан болгъан игиди!
- Бойнуму джети джерден кессенг да, мен ол ишни этеллик тюлме.
- Дуния мал дунияда къалады.
- Юй кюйдю да, кюйюз чыкъды, ортасындан тюйюш чыкъды.
- Билмегенинги, билгеннге сор.
- Джол бла сёзню къыйыры джокъ.
- Тёрени джагъы джокъ.
- Эл тойса, тоймагъан, эл къойса, къоймагъан.
- Акъыллы айтыр эди, акъылсыз къоймайды.
- Ариу сёзде ауруу джокъ.
- Къулакъдан эсе, кёзге ышан.
- Эрине къаргъыш этген къатын, эрнин къабар.
- Ётюрюк хапар аякъ тюбю бла джюрюйдю.
- Малны кют, джерни тюрт.
- Таш ата билмеген, башына урур.
- Баргъанынга кёре болур келгенинг.
- Уллу сёлешме да, уллу къаб.
- Эркиши – от, тиширыу – суу.
- Чомартха хар кюн да байрамды.
- Тёрдеги кюлсе, эшикдеги ышарыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Ётюрюкню къуйругъу – бир тутум.
- Билимли ёлмез, билимсиз кёрмез.
- Адебни адебсизден юрен.
- Хата – гитчеден.
- Хатерли къул болур.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
