Навигация

Elbrusoid.org

Словарь

Адамны бетине къарама, адетине къара.
Ачны эсинде – аш.
Керилген да, ургъан кибикди.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ышармагъан – кюлмез, кюлмеген – къууанчны билмез.
Къарнынг ауруса, ауузунгу тый
Джаш болсун, къыз болсун, акъылы, саны тюз болсун.
Адамны аты башхача, акъылы да башхады.
Ач къалгъандан, кеч къалгъан къолай.
Акъыллы эркиши атын махтар, акъылсыз эркиши къатынын махтар.
Джюз элде джюз ёгюзюм болгъандан эсе, джюз джууугъум болсун.
Аджашхан тёгерек айланыр.
Тюзлюк шохлукъну бегитир.
Суу ичген шауданынга тюкюрме.
Къонакъ аман болса, къонакъбай джунчур
Айтылгъан буйрукъ, сёгюлмез
Джангыз торгъай джырламаз.
Аманнга да, игиге да оноусуз къатышма.
Эм ашхы къайын ана мамукъ бла башынгы тешер.
Эрине къаргъыш этген къатын, эрнин къабар.
Орундукъ тюбюнде атылсам да, орта джиликме, де да айлан.
Ашхы сёз таш тешер.
Ата – баланы уясы.
Мухарны эси – ашарыкъда.
Баш болса, бёрк табылыр.
Къайтырыкъ эшигинги, къаты уруб чыкъма.
Джылкъыдан – ат чыгъар, тукъумдан – джаш чыгъар.
Аджалсыз ёлюм болмаз.
Башсыз урчукъ тюзюне айланмаз.
Бойнуму джети джерден кессенг да, мен ол ишни этеллик тюлме.
Акъыллы айтыр эди, акъылсыз къоймайды.
Эл ауузу – элия.
Бир онгсуз адам адет чыгъарды, деб эштирик тюлсе.
Ат басханны джер билед.
Тай асырагъан, атха минер.
Ойнай билмеген, уруб къачар.
«Ма», - дегенни билмесенг, «бер», - дегенни билмезсе.
Аман къатын сабий табса, бий болур…
Джолда аягъынга сакъ бол, ушакъда тилинге сакъ бол.
Айныгъанлы алты кюн, тогъайгъанлы тогъуз кюн.
Дженгил джетерикме деб, узун джолну къоюб, къысхасын барма.
Уллу суу бла уллу ауруудан башынгы сакъла.
Мен да «сен», дейме, сен да «кесим», дейсе.
Ишин билген, аны сыйын чыгъарады.
Арба аугъандан сора, джол кёргюзтюучю кёб болур.
Джаз бир кюнню джатсанг, къыш талай кюнню абынырса.
Джырчы ёлсе, джыры къалыр.
Уллу къазанда бишген эт, чий къалмаз.
Аш кетер да бет къалыр.
Адамны адамлыгъы къыйынлыкъда айгъакъланады.