Навигация

Elbrusoid.org

Словарь

Къулакъдан эсе, кёзге ышан.
Къарнынг бла ёч алма.
Тели турса – той бузар.
Ашатыргъа иш – ашхы, ишлетирге аш – ашхы.
Сабийни джумушха джибер да, ызындан бар.
Ашаса, ашамаса да, бёрюню ауузу – къан.
Аз айтсам, кёб ангылагъыз.
Хар адамгъа кеси миннген тау кибик.
Ашарыкъда сайлагъаннга – чий гырджын.
Ачлыкъ отха секиртир.
Суу кетер, таш къалыр.
Байма, деб да, къууанма, джарлыма, деб да, джылама.
Ата Джуртуму башы болмасам да, босагъасында ташы болайым.
Орну джокъну – сыйы джокъ.
Ачылгъан эт джабылыр, кёрген кёз унутмаз.
Джарлы тюеге минсе да, ит къабар.
Биреуню эскиси биреуге джангы болмайды.
Окъуусуз билим – джокъ, билимсиз кюнюнг – джокъ.
Ач да бол, токъ да бол – намысынга бек бол.
Ариуну – ауруу кёб.
Таукел къуру къалмаз.
Бир онгсуз адам адет чыгъарды, деб эштирик тюлсе.
Узун джолну барсанг, бюгюн келирсе, къысха джолну барсанг, тамбла келирсе.
«Ма», - дегенни билмесенг, «бер», - дегенни билмезсе.
Къобан да къуру да къобханлай турмайды, адам да къуру да патчахлай турмайды.
Айран тёгюлсе, джугъусу къалыр.
Адам туугъан джеринде, ит тойгъан джеринде.
Чомартны къолу берекет.
Къарнынг ауруса, ауузунгу тый
Игини сыйлагъан адетди.
Бичгенде ашыкъма, тикгенде ашыкъ.
Телини эшигин, махтау джабар.
Акъыл сабырлыкъ берир.
Башланнган иш битер, къымылдагъан тиш тюшер.
Тюзлюк тас болмайды.
Кёб ант этген, кёб ётюрюк айтыр.
Суу ичген шауданынга тюкюрме.
Ишлерге уял да, ашаргъа табма.
Аман адам элни бир-бирине джау этер.
Джашлыкъ этмеген, башлыкъ этмез.
Акъыл аздырмаз, билим тоздурмаз.
Гугурук къычырмаса да, тангны атары къалмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Зар адамны насыбы болмаз.
Нёгер болсанг, тенг бол, тенг болмасанг, кенг бол.
Бек ашыкъгъан меннге джетсин, дегенди аракъы.
Мураты болгъанны джюрек тебюую башхады.
Ач, тоймам, дейди, тойгъан, ач болмам, дейди.
Азыгъы аз, алгъа къабар, аты аман, алгъа чабар.
Сёз – кюмюш, джыр – алтын.