Песен: 16 Создан:
27.11.2017 Обновлен:
27.11.2017
| 7 Мая | 2024 года |
Навигация
- Нарт сёз – тилни бети.
- Ачлыкъ отха секиртир.
- Къыз тиширыу кеси юйюнде да къонакъды.
- Башы ишлегенни, ауузу да ишлер.
- Байлыкъ келсе, акъыл кетер.
- Адам туугъан джеринде, ит тойгъан джеринде.
- Къайгъыны сюйген, къайгъы табар.
- Къатын къылыкъсыз, эр тынчлыкъсыз.
- Джашлыкъ этмеген, башлыкъ этмез.
- Атынг аманнга чыкъгъандан эсе, джанынг тамагъынгдан чыкъсын.
- Байма, деб да, къууанма, джарлыма, деб да, джылама.
- Келлик заман – къартлыкъ келтирир, кетген заман – джашлыкъ ёлтюрюр.
- Кёбге таш атма.
- Ата Джуртун танымагъан, атасын да танымаз.
- Иги болса, тамадама – махтау, аман болса, меннге – айыб.
- Кесинге джетмегенни, кёб сёлешме.
- Таш бла ургъанны, аш бла ур.
- Артына баргъанны, къатына барма.
- Эркишини аманы тиширыуну джылатыр.
- Борчунг бар эсе, хурджунунга ойлаб узал.
- Кёпюр салгъан кеси ётер, уру къазгъан кеси кетер.
- Тенги кёбню джау алмаз, акъылы кёбню дау алмаз.
- Билим – акъылны чырагъы.
- Окъумагъан сокъурду, сокъур ташха абыныр!
- Эркиши – от, тиширыу – суу.
- Къонакъ аз олтурур, кёб сынар.
- Адамны джюреги нени кёрюрге сюйсе, кёзю да аны кёрюрге ёч болады.
- Игиге айтсанг – билир, аманнга айтсанг – кюлюр.
- Таукелге нюр джауар.
- Кюн – узун, ёмюр – къысха.
- Биреуге аманлыкъ этиб, кесинге игилик табмазса.
- Ойнаб айтсанг да, эслеб айт.
- Кёзню ачылгъаны – иги, ауузну джабылгъаны – иги.
- Тойгъа алгъа да барма, тойда артха да къалма.
- Эм ашхы къайын ана мамукъ бла башынгы тешер.
- Къолунгдан къуймакъ ашатсанг да, атаны борчундан къутулмазса.
- Джаным-тиним – окъуу, билим.
- Агъач – джерни чырайы, кийим – эрни чырайы.
- Биреуню тёрюнден, кесинги эшик артынг игиди.
- Эр сокъур болсун, къатын тилсиз болсун.
- Мухарны эси – ашарыкъда.
- Билимден уллу байлыкъ джокъду.
- Алтыннга тот къонмаз.
- Рысхы джалгъанды: келген да этер, кетген да этер.
- Къарт болгъан джерде, берекет болур, сабий болгъан джерде, оюн болур.
- Кёб ант этген, кёб ётюрюк айтыр.
- Болджал ишни бёрю ашар.
- Къатыны харакетли болса, эри къымсыз болур.
- Къуллукъчума, деб махтанма, къуллукъ – хаух джамчыды!
- Ачылгъан эт джабылыр, кёрген кёз унутмаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
