Песен: 28 Создан:
27.11.2017 Обновлен:
28.11.2017
| 4 Мая | 2024 года |
Навигация
- Джыгъылгъанны сырты джерден тоймаз.
- Адеб джокъда, намыс джокъ.
- Биреуню тёрюнден, кесинги эшик артынг игиди.
- Намыс болмагъан джерде, насыб болмаз.
- Джарашыу сюйген – джалынчакъ.
- Джюрекден джюрекге джол барды.
- Окъугъан – асыу, окъумагъан – джарсыу.
- Билим къая тешер.
- Насыблы элин сюер, насыбсыз кесин сюер.
- Кесине гебен этелмеген, биреуге черен эте эди.
- Къозулугъунда тоймагъан, къойлугъунда тоймаз.
- Акъыллы – эл иеси, тели – эл баласы.
- Уллу айтханны этмеген – уллаймаз.
- Шайтан алдады, тюзлюк къаргъады.
- Ишни ахырын ойламай, аллын башлама.
- Шекер бла туз – бир болмаз, ушамагъан – юй болмаз.
- Тойгъан джерге джети къайт.
- Къыйынлы джети элге оноу этер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эм ашхы къайын ана мамукъ бла башынгы тешер.
- Кёрмегеннге кебек – танг, битмегеннге сакъал – танг.
- Адам къаллай бир ишленмесе, аллай бир кесин уллу кёреди.
- Азыгъы аз, алгъа къабар, аты аман, алгъа чабар.
- Джюз элде джюз ёгюзюм болгъандан эсе, джюз джууугъум болсун.
- Джауумдан сора, кюн кюйдюрюр, ётюрюкден сора, айыб кюйдюрюр.
- Биреуге аманлыкъны тилеме да, кесинге ашхылыкъны тиле.
- Ёлген эшек бёрюден къоркъмайды.
- Джарлы тюеге минсе да, ит къабар.
- Ишге юренсин къоллары, халкъ бла болсун джоллары.
- Ёлмесенг да, къарт дамы болмазса?
- Бир абыннган – минг сюрюнюр.
- Аман къатын сабий табса, бий болур…
- Аман адам элни бир-бирине джау этер.
- Аджашхан тёгерек айланыр.
- Мухарны эси – ашарыкъда.
- Сагъыш – къартлыкъгъа сюйюмчю.
- Кесине оноу эте билмеген, халкъына да эте билмез.
- Къазанны башы ачыкъ болса, итге уят керекди.
- Сабий кёргенин унутмаз.
- Сууда джау джокъ, кёб сёзде магъана джокъ.
- Кютгени беш эчки, сызгъыргъаны уа, джерни джарады.
- Чомартны къолу берекет.
- Алгъанда – джууукъ, бергенде – джау.
- Аман хансны – урлугъу кёб.
- Джаралыны джастыгъында сау ёлюр.
- Къарны аманнга къазан такъдырма, къолу аманнга от джакъдырма.
- Ёксюзню къалачы уллу кёрюнюр.
- Дуния аламаты сен эсенг да, игиме деб айтма.
- Къызгъанчдан ычхыныр, мухардан ычхынмаз.
- Аджал соруб келмез, келсе, къайтыб кетмез.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
