Расширенный поиск
15 Марта 2025 года
Логин: Регистрация
Пароль: Забыли пароль?
Навигация
Словарь
  • Махтаннган къыз, тойда джукълар.
  • Эли джокъну – кёлю джокъ.
  • Биреуге кёлтюрген таягъынг, кесинги башынга урур.
  • Хунаны тюбюн къазсанг, юсюнге ауар.
  • Сабий кёргенин унутмаз.
  • Ачыкъ джюрекге джол – ачыкъ.
  • Иги болса, тамадама – махтау, аман болса, меннге – айыб.
  • Кийим тукъум сордурур.
  • Ариу – кёзге, акъыл – джюрекге.
  • Алма терегинден кери кетмез.
  • Джетген къыз джерли эшекни танымаз.
  • Ашарыкъда сайлагъаннга – чий гырджын.
  • Джаралыны джастыгъында сау ёлюр.
  • Намысы джокъну – дуниясы джокъ.
  • Иши джокъну, сыйы джокъ.
  • Джаз бир кюнню джатсанг, къыш талай кюнню абынырса.
  • Нафысынгы айтханын этме, намысынгы айтханын эт.
  • Байлыкъ адамны сокъур этер.
  • Аурууну келиую тынч, кетиую – къыйын.
  • Джарлыны эшигин махтагъан джабар.
  • Ышармагъан – кюлмез, кюлмеген – къууанчны билмез.
  • Атлыны ашхысы, ат тизгининден билинир
  • Орну джокъну – сыйы джокъ.
  • Этек чакъмакълары баш джаргъан, сёлешген сёзлери таш джаргъан.
  • Олтуруб кёрюнмей эди да, ёрге туруб кёрюне эди.
  • Адеб базарда сатылмаз.
  • Аш хазыр болса, иш харам болур.
  • Ёмюрлюк шохлукъну джел элтмез.
  • Битмегеннге сакъал – танг.
  • Сакъалы текени да бар, мыйыгъы киштикни да бар.
  • Сакъламагъан затынга джолукъсанг, не бек къууанаса, не бек ачыйса.
  • Билим насыб берир, билим джолну керир.
  • Къайтырыкъ эшигинги, къаты уруб чыкъма.
  • Таукел адам тау тешер.
  • Сабийни джумушха джибер да, ызындан бар.
  • Ашхы адам – халкъ байлыгъы, ашхы джер – джашау байлыгъы.
  • Джашынгы кесинг юретмесенг, джашау юретир.
  • Ашын ашагъанынгы, башын да сыйла.
  • Ёгюзню мюйюзлери ауурлукъ этмейдиле.
  • Къазанчы аман болса, къазаны къайнамаз.
  • Тойгъандан сора, ашны сёкме.
  • Ишленмеген джаш – джюгенсиз ат, ишленмеген къыз – тузсуз хант.
  • Кютгени беш эчки, сызгъыргъаны уа, джерни джарады.
  • Керилген да, ургъан кибикди.
  • Окъуу – билимни ачхычы, окъуу – дунияны бачхычы.
  • Зар адам ашынгы ашар, кесинги сатар.
  • Таш бла ургъанны, аш бла ур.
  • Аш берме да, къаш бер.
  • Сёлеш деб шай берген, тохта деб, сом берген.
  • Ашына кёре табагъы, балына кёре къалагъы.

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии