Расширенный поиск
20 Мая 2024 года
Логин: Регистрация
Пароль: Забыли пароль?
Навигация
Словарь
  • Тойгъа алгъа да барма, тойда артха да къалма.
  • Юреннген ауруу къалмаз.
  • Тынгылагъан тынгы бузар.
  • Къонакъ хазыр болгъанлыкъгъа, къонакъбай хазыр тюлдю.
  • Аманнга да, игиге да оноусуз къатышма.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Тюзлюк тас болмайды.
  • Тойчу джашха къарама, къойчу джашха къара.
  • Къайтырыкъ эшигинги, къаты уруб чыкъма.
  • Ана кёлю – балада, бала кёлю – талада.
  • От этилмеген джерден тютюн чыкъмайды.
  • Билим ат болуб да чабар, къуш болуб да учар.
  • Дженгил джетерикме деб, узун джолну къоюб, къысхасын барма.
  • Ата Джуртуму башы болмасам да, босагъасында ташы болайым.
  • Ауругъаннга – кийик саулукъ, джетген къызгъа – чилле джаулукъ.
  • Джырчы ёлсе, джыры къалыр.
  • Джюрек кёзден алгъа кёрюр.
  • Аджал соруб келмез, келсе, къайтыб кетмез.
  • Джыланны къуйругъундан басарынг келсе, аны башы болгъанын унутма.
  • Кесине гебен этелмеген, биреуге черен эте эди.
  • Уллу атлама – абынырса, уллу къабма – къарылырса.
  • Джигер – джаннга къыйынлыкъ.
  • Айран ичген – къутулду, джугъусун джалагъан – тутулду.
  • Ауузу аманнга «иги», деме.
  • Душманны тышы – акъ, ичи – къара.
  • Келгинчи, къонакъ уялыр, келгенден сора, къонакъбай уялыр.
  • Аз сёлеш, кёб ишле.
  • Тилсиз миллет джокъ болур.
  • Ачны эсинде – аш.
  • Гитче джилтин уллу элни джандырыр.
  • Кютгени беш эчки, сызгъыргъаны уа, джерни джарады.
  • Адеб этмеген, адеб кёрмез.
  • Ойнай-ойнай кёз чыгъар.
  • Байны къызы баймакъ болса да, юйде къалмаз!
  • Къарт болгъан джерде, берекет болур, сабий болгъан джерде, оюн болур.
  • Айранын берсенг, челегин да къызгъанма.
  • Эринчекни аурууу – кёб.
  • Ётюрюкчюню шагъаты – къатында.
  • Тёзген – тёш ашар!
  • Кёб джат да, бек чаб.
  • Харам къарнашдан, халал тенг ашхы.
  • Ата – баланы уясы.
  • Ач – эснер, ат – кишнер.
  • Чёбню кёлтюрсенг, тюбюнден сёз чыгъар.
  • Накъырданы арты керти болур.
  • Суу да къайтады чыкъгъан джерине.
  • Намыс болмагъан джерде, насыб болмаз.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Ач келгенни – тойдур, кеч келгенни – къондур.
  • Алгъанда – джууукъ, бергенде – джау.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии