Расширенный поиск
3 Апреля 2025 года
Логин: Регистрация
Пароль: Забыли пароль?
Навигация
Словарь
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Кийим тукъум сордурур.
  • Кюл тюбюндеги от кёрюнмейди.
  • Кёлсюзден сёзсюз тууар.
  • Джарлы эскисин джамаса, къууаныр.
  • Адеб этмеген, адеб кёрмез.
  • Къонакъны къачан кетерин сорма, къачан келлигин сор.
  • Ишни аллы бла къууанма да, арты бла къууан.
  • Ишни ахырын ойламай, аллын башлама.
  • Ишлегенде эринме, ишде чолакъ кёрюнме.
  • Келгинчи, къонакъ уялыр, келгенден сора, къонакъбай уялыр.
  • Эл ауузу – элек, анга ийнаннган – халек.
  • Халкъны юйю – туугъан джери.
  • Тели турса – той бузар.
  • Чомарт къонакъ юй иесин сыйлар.
  • Аман адамны тепсинге олтуртсанг, къызынгы тилер.
  • Ач келгенни – тойдур, кеч келгенни – къондур.
  • Тили узунну, намысы – къысха.
  • Аякъларынгы джууургъанынга кёре узат.
  • Гугурук къычырмаса да, тангны атары къалмаз.
  • Адам сёзюнден белгили.
  • Юреннген ауруу къалмаз.
  • Ашатыргъа иш – ашхы, ишлетирге аш – ашхы.
  • Къатыны харакетли болса, эри къымсыз болур.
  • Агъач халкъгъа алтынды, иссиликге салкъынды.
  • Тамбла алтындан бюгюн багъыр ашхы.
  • Ишге юренсин къоллары, халкъ бла болсун джоллары.
  • Джаным-тиним – окъуу, билим.
  • Чёбню кёлтюрсенг, тюбюнден сёз чыгъар.
  • Эр сокъур болсун, къатын тилсиз болсун.
  • Орну джокъну – сыйы джокъ.
  • Ауругъаннга – кийик саулукъ, джетген къызгъа – чилле джаулукъ.
  • Джогъун бар этген, барын бал этген.
  • Ёлген эшек бёрюден къоркъмайды.
  • Ашыкъгъанны этеги бутуна чырмалыр.
  • Кёб ант этген, кёб ётюрюк айтыр.
  • Эки итни арасына сюек атма, эки адамны арасында сёз чыгъарма.
  • Мал кёб болса, джууукъ кёб болур.
  • Кёб къычыргъандан – къоркъма, тынч олтургъандан – къоркъ.
  • Ауузу бла къуш тута айланады.
  • Арбаз къынгырды да, ийнек сауалмайма.
  • Ана – юйню кюн джарыгъы.
  • Акъыл сабырлыкъ берир.
  • Иги адам абынса да, джангылмаз.
  • Къызын тута билмеген, тул этер, джашын тута билмеген, къул этер.
  • Джылыгъа джылан илешир.
  • Ач да бол, токъ да бол – намысынга бек бол.
  • Чомартны къолу берекет.
  • Эркиши – от, тиширыу – суу.
  • Насыб бютеу халкъны юлюшюдю.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии