Расширенный поиск
3 Апреля 2025 года
Логин: Регистрация
Пароль: Забыли пароль?
Навигация
Словарь
  • Уллу суу бла уллу ауруудан башынгы сакъла.
  • Джумушакъ терекни къурт ашар.
  • Бек ашыкъгъан меннге джетсин, дегенди аракъы.
  • Халкъгъа джарагъан, джарлы къалмаз.
  • Хатерли къул болур.
  • Чёбню кёлтюрсенг, тюбюнден сёз чыгъар.
  • Адамны бетине къарама, адетине къара.
  • Абынмазлыкъ аякъ джокъ, джангылмазлыкъ джаякъ джокъ.
  • Кёлю джокъну – джолу джокъ.
  • Тил бла келеди джыр да.
  • Эм ашхы къайын ана мамукъ бла башынгы тешер.
  • Ёгюзню мюйюзлери ауурлукъ этмейдиле.
  • Рысхы – сют юсюнде кёмюк кибикди.
  • Эри аманны, къатыны – аман.
  • Аз айтсам, кёб ангылагъыз.
  • Таула не мийик болсала да, аууш табылыр.
  • Иги сёз – джаннга азыкъ, аман сёз башха – къазыкъ.
  • Намысы джокъну – дуниясы джокъ.
  • Алтыда кюлмеген, алтмышда кюлмез.
  • Аш хазыр болса, иш харам болур.
  • Джюрекден джюрекге джол барды.
  • Зарда марда джокъ.
  • Сабийни джумушха джибер да, ызындан бар.
  • Билеги кючлю, бирни джыгъар, билими кючлю, мингни джыгъар.
  • Кесине оноу эте билмеген, халкъына да эте билмез.
  • Рысхы джалгъанды: келген да этер, кетген да этер.
  • Тенги кёбню джау алмаз, акъылы кёбню дау алмаз.
  • Джахил болса анасы, не билликди баласы?
  • Акъыл аздырмаз, билим тоздурмаз.
  • Аллахха ийнаннган кишини, Аллах онгдурур ишин.
  • Къартны бурнун сюрт да, оноугъа тут.
  • Ач – эснер, ат – кишнер.
  • Алгъанда – джууукъ, бергенде – джау.
  • Башы ишлегенни, ауузу да ишлер.
  • Чабакъсыз кёлге къармакъ салгъанлыкъгъа, чабакъ тутмазса.
  • Зар адамны насыбы болмаз.
  • Аман адам этегингден тутса, кес да къач.
  • Гырджын – тепсини тамадасы.
  • Джаралыны джастыгъында сау ёлюр.
  • Ачны эсинде – аш.
  • Джангыз терек къынгыр ёсер.
  • Уллу сёзде уят джокъ.
  • Мал ёлсе, сюек къалыр, адам ёлсе, иши къалыр.
  • Тай асырагъан, атха минер.
  • Ёксюзню къалачы уллу кёрюнюр.
  • Джерни букъусу кёкге къонмаз.
  • Урама да – ёледи, сатама да – келеди.
  • Адамгъа аман кюн соруб келмейди.
  • Атлыны кёрсе, джаяуну буту талыр.
  • Эшекге миннген – биринчи айыб, андан джыгъылгъан – экинчи айыб.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии