Расширенный поиск
19 Апреля 2025 года
Логин: Регистрация
Пароль: Забыли пароль?
Навигация
Словарь
  • Асхат ашлыкъ сата, юйдегиси ачдан къата.
  • Узун джолну барсанг, бюгюн келирсе, къысха джолну барсанг, тамбла келирсе.
  • Кюл тюбюндеги от кёрюнмейди.
  • Ачыкъ джюрекге джол – ачыкъ.
  • Билимли ёлмез, билимсиз кёрмез.
  • Чабакъсыз кёлге къармакъ салгъанлыкъгъа, чабакъ тутмазса.
  • Аллахдан тилесенг, кёб тиле.
  • Биреуге аманлыкъ этиб, кесинге игилик табмазса.
  • Хар сёзню орну барды.
  • Къонакъ болсанг, ийнакъ бол.
  • Джырына кёре эжиую.
  • Эшекни не къадар тюйсенг да, ат болмаз.
  • Тас болгъан бычакъны сабы – алтын.
  • Тели турса – той бузар.
  • Атлыны кёрсе, джаяуну буту талыр.
  • Эли джокъну – кёлю джокъ.
  • Дуния малгъа сатылма, кесингден телиге къатылма.
  • Эм ашхы къайын ана мамукъ бла башынгы тешер.
  • Ата джурт – алтын бешик.
  • Эл тойса, тоймагъан, эл къойса, къоймагъан.
  • Кесинг сынамагъан затны, адамгъа буюрма.
  • Тойгъа барсанг, тоюб бар, эски тонунгу къоюб бар.
  • От этилмеген джерден тютюн чыкъмайды.
  • Джерни букъусу кёкге къонмаз.
  • Сабыр джетер муратха, сабырсыз къалыр уятха.
  • Элиб деген, элге болушур.
  • Нарт сёз – тилни бети.
  • Танг атмайма десе да, кюн къоярыкъ тюйюлдю.
  • Бек анасы джыламаз.
  • Магъанасыз сёз – тауушсуз сыбызгъы.
  • Чомартха Тейри да борчлуду.
  • Аурууну келиую тынч, кетиую – къыйын.
  • Джюрекге ариу – кёзге да ариу.
  • Ана къолу ачытмаз.
  • Къая джолда джортма, ачыкъ сёзден къоркъма.
  • Ашда уялгъан – мухар, ишде уялгъан – хомух.
  • Адамны джюреги нени кёрюрге сюйсе, кёзю да аны кёрюрге ёч болады.
  • Къолу уллу – асыу, аягъы уллу – джарсыу.
  • Кёлсюзден сёзсюз тууар.
  • Башсыз урчукъ тюзюне айланмаз.
  • Аджаллыгъа окъсуз шкок атылыр.
  • Байны оноуу, джарлыгъа джарамаз.
  • Чыбыкълыкъда бюгюлмеген, къазыкълыкъда бюгюлмей эди.
  • Ёзденликни кёбю ётюрюк.
  • Юй ишлеген балта эшикде къалыр.
  • Ауругъаннга – кийик саулукъ, джетген къызгъа – чилле джаулукъ.
  • Къызны минг тилер, бир алыр.
  • Ойнаб айтсанг да, эслеб айт.
  • Таукел адам тау тешер.
  • Тамырсыз терекге таянма – джыгъылырса.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии