Расширенный поиск
22 Декабря 2024 года
Логин: Регистрация
Пароль: Забыли пароль?
Навигация
Словарь
  • Азыкълы ат арымаз, къатыны аман джарымаз.
  • Дуния малгъа сатылма, кесингден телиге къатылма.
  • Азыкъ аз болса, эртде орун сал.
  • Телиге от эт десенг, юйюнге от салыр.
  • Ач къалгъандан, кеч къалгъан къолай.
  • Ким бла джюрюсенг, аны кёзю бла кёрюнюрсе.
  • Тойгъа алгъа да барма, тойда артха да къалма.
  • Адамны сыфатына къарама, сёзюне къара.
  • Адамны артындан къара сабан сюрме.
  • Ач – эснер, ат – кишнер.
  • Бичгенде ашыкъма, тикгенде ашыкъ.
  • Эки къатын алгъанны къулагъы тынгнгаймаз.
  • Къарнынг къанлынга кийирир.
  • Кюн – узун, ёмюр – къысха.
  • Ёксюзню къалачы уллу кёрюнюр.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Адамны адамлыгъы къыйынлыкъда айгъакъланады.
  • Аджашханны ызындагъы кёреди, джангылгъанны джанындагъы биледи.
  • Ханнга да келеди хариблик.
  • Ач отунчуну ачыуу – бурнунда.
  • Тойгъан джерден туугъан джер игиди.
  • Къайгъыны сюйген, къайгъы табар.
  • Къыз тиширыу кеси юйюнде да къонакъды.
  • Игиге айтсанг – билир, аманнга айтсанг – кюлюр.
  • Хунаны тюбюн къазсанг, юсюнге ауар.
  • Зарда марда джокъ.
  • Тамбла алтындан бюгюн багъыр ашхы.
  • Къонакъ хазыр болгъанлыкъгъа, къонакъбай хазыр тюлдю.
  • Ёлген эшек бёрюден къоркъмайды.
  • Намыс сатылыб алынмайды.
  • Ёлюк кебинсиз къалмаз.
  • Къан бла кирген, джан бла чыгъар.
  • Мухардан ач ычхынмаз.
  • Ауругъанны сау билмез, ач къарынны токъ билмез.
  • Кийиминг бла танылма, адамлыкъ бла таныл.
  • Адебсиз адам – джюгенсиз ат.
  • Ауругъаннга – кийик саулукъ, джетген къызгъа – чилле джаулукъ.
  • Алтыда кюлмеген, алтмышда кюлмез.
  • Джангыз торгъай джырламаз.
  • Аманнга алтын чыдамаз.
  • Билген билмегенни юретген адетди.
  • Татлы сёз – балдан татлы.
  • Ишлегенден, къарагъан уста.
  • Тилчи тилден къаныкъмаз.
  • Этек чакъмакълары баш джаргъан, сёлешген сёзлери таш джаргъан.
  • Мураты болгъанны джюрек тебюую башхады.
  • Босагъагъа джууукъ орун болса, ашыгъыб тёрге озма.
  • Ауругъан – джашаудан умутчу.
  • Къаллай салам берсенг, аллай джууаб алырса.
  • Чёбню кёлтюрсенг, тюбюнден сёз чыгъар.

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии