Расширенный поиск
12 Мая 2024 года
Логин: Регистрация
Пароль: Забыли пароль?
Навигация
Словарь
  • Джыланны къуйругъундан басарынг келсе, аны башы болгъанын унутма.
  • Атлыны ашхысы, ат тизгининден билинир
  • Чомарт джарлы болмаз.
  • Иши джокъну, сыйы джокъ.
  • Биреуню эскиси биреуге джангы болмайды.
  • Адам сёзюнден белгили.
  • Ёнгкюч къууана барыр, джылай келир.
  • Аш иеси бла татлыды.
  • Эли джокъну – кёлю джокъ.
  • Тёзгеннге, джабылгъан эшик ачылыр.
  • Ашыкъгъан cуу, тенгизге джетмез.
  • Тынгылагъан тынгы бузар.
  • Билим – акъылны чырагъы.
  • Ёзденликни джайгъан – джокълукъ.
  • Баланы адам этген анады.
  • Аджашханны ызындагъы кёреди, джангылгъанны джанындагъы биледи.
  • Намыс болмагъан джерде, насыб болмаз.
  • Эшекни не къадар тюйсенг да, ат болмаз.
  • Сабий кёргенин унутмаз.
  • Ишин билген, аны сыйын чыгъарады.
  • Ойнай-ойнай кёз чыгъар.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Ашхы болсанг, атынг чыгъар, аман болсанг, джанынг чыгъар.
  • Ханнга да келеди хариблик.
  • Минг тенг да азды, бир джау да кёбдю.
  • Уллу суу бла уллу ауруудан башынгы сакъла.
  • Рысхысына кёре, джаш ёсер, къышлыгъына кёре, мал ёсер.
  • Шапа кёб болса, аш татымсыз болур.
  • Нафысынгы айтханын этме, намысынгы айтханын эт.
  • Ётюрюкню башын керти кесер.
  • Таукелге нюр джауар.
  • Кесинг сынамагъан затны, адамгъа буюрма.
  • Сютден ауузу кюйген, суугъа юфгюре эди.
  • Джырчы ёлсе, джыры къалыр.
  • Ариу сёз аурууунгу алыр.
  • Юре билмеген ит, къонакъ келтирир.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Сормай – алма, чакъырылмай – барма.
  • Биреуге кёлтюрген таягъынг, кесинги башынга урур.
  • Терек ауса, отунчу – кёб.
  • Джолунга кёре – джюрюшюнг, джагъанга кёре – юлюшюнг.
  • Уллу сёзде уят джокъ.
  • Ёлген эшек бёрюден къоркъмайды.
  • Кёрмегеннге кебек – танг, битмегеннге сакъал – танг.
  • Гырджын – тепсини тамадасы.
  • Бозанг болмагъан джерге, къалагъынгы сукъма.
  • Къыз келсе, джумуш эте келеди, къатын келсе, ушакъ эте келеди.
  • Бёрю да ач къалмасын, эчки да ашалмасын.
  • Кёкдеги болмаса, джердегин кёрмейди.
  • Джылкъыдан – ат чыгъар, тукъумдан – джаш чыгъар.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии