Расширенный поиск
5 Мая 2024 года
Логин: Регистрация
Пароль: Забыли пароль?
Навигация
Словарь
  • Олтуруб кёрюнмей эди да, ёрге туруб кёрюне эди.
  • Арпа, будай – ащды, алтын, кюмюш а – ташды.
  • Ашыкъгъан cуу, тенгизге джетмез.
  • Ариу джол аджал келтирмез.
  • Адамны артындан къара сабан сюрме.
  • Иги адамны бир сёзю эки болмаз.
  • Тамчы таш тешер.
  • Аякъларынгы джууургъанынга кёре узат.
  • Кесинг сынамагъан затны, адамгъа буюрма.
  • Хансыз джомакъ болмаз.
  • Зар адамны насыбы болмаз.
  • Байлыкъ тауусулур, билим тауусулмаз.
  • Къралынгы – душмандан, башынгы от бла суудан сакъла.
  • Ашхы атаны – джашы ашхы, ашхы ананы – къызы ашхы.
  • Тамырсыз терекге таянма – джыгъылырса.
  • Дженгил джетерикме деб, узун джолну къоюб, къысхасын барма.
  • Болджал ишни бёрю ашар.
  • Ата – баланы уясы.
  • Ата – билек, ана – джюрек!
  • Кечеси – аяз, кюню – къыш, джарлы къаргъагъа бир аш тюш!
  • Къонакъ хазыр болгъанлыкъгъа, къонакъбай хазыр тюлдю.
  • Аман киши кеси юйюнде – къонакъ.
  • Сормай – алма, чакъырылмай – барма.
  • Элге къуллукъ этмеген, элге ие болмаз.
  • Къозулугъунда тоймагъан, къойлугъунда тоймаз.
  • Билимли ёлмез, билимсиз кёрмез.
  • Ашхылыкъ джерде джатмайды, аманлыкъ суугъа батмайды.
  • Сууда джау джокъ, кёб сёзде магъана джокъ.
  • Ишлегенден, къарагъан уста.
  • Ишни ахырын ойламай, аллын башлама.
  • Алтыннга тот къонмаз.
  • Тил – кесген бычакъ, сёз – атылгъан окъ.
  • Сёлеш деб шай берген, тохта деб, сом берген.
  • Кирсизни – саны таза, халалны – къаны таза.
  • Джылыгъа джылан илешир.
  • Ауругъан – джашаудан умутчу.
  • Дуния малгъа сатылма, кесингден телиге къатылма.
  • Ариу – кёзге, акъыл – джюрекге.
  • Сютню башын джалагъан къутулур, тюбюн ичген тутулур.
  • Кесине гебен этелмеген, биреуге черен эте эди.
  • Байлыкъ келсе, акъыл кетер.
  • Билимсиз иш бармаз.
  • Биреуге аманлыкъны тилеме да, кесинге ашхылыкъны тиле.
  • Зарда марда джокъ.
  • Къатын байлыкъны сюер, эр саулукъну сюер.
  • Джарашыу сюйген – джалынчакъ.
  • Сабийликде юретмесенг, уллу болса – тюзелмез.
  • Ачны эсинде – аш.
  • Бал – татлы, балдан да бала – татлы.
  • Къолу уллу – асыу, аягъы уллу – джарсыу.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии