Расширенный поиск
21 Февраля 2025 года
Логин: Регистрация
Пароль: Забыли пароль?
Навигация
Словарь
  • Джангыз торгъай джырламаз.
  • Оюмсуз атлагъан, аджалсыз ёлюр.
  • Мадар болса, къадар болур.
  • Нёгерсизни джолу узун.
  • Чалманны аллы къалай башланса, арты да алай барады.
  • Джашлыкъ этмеген, башлыкъ этмез.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Ишлегенде эринме, ишде чолакъ кёрюнме.
  • Адамны аты башхача, акъылы да башхады.
  • Иги адамны бир сёзю эки болмаз.
  • Чомарт бергенин айтмаз.
  • Джырчы джырчыгъа – къарнаш.
  • Суу да къайтады чыкъгъан джерине.
  • Ат да турмайды бир териде.
  • Ёлмесенг да, къарт дамы болмазса?
  • Дженгил джетерикме деб, узун джолну къоюб, къысхасын барма.
  • Аман киши кеси юйюнде – къонакъ.
  • Ариу сёз – джаннга азыкъ, аман сёз – башха къазыкъ.
  • Тёрдеги кюлсе, эшикдеги ышарыр.
  • Ауругъаннга – кийик саулукъ, джетген къызгъа – чилле джаулукъ.
  • Хар адамгъа кеси миннген тау кибик.
  • Къуру гыбыт бек дыгъырдар.
  • Джаным-тиним – окъуу, билим.
  • Игилик игилик бла сингдирилиучю затды.
  • Бермеген къол, алмайды.
  • Айтылгъан буйрукъ, сёгюлмез
  • Таукелге нюр джауар.
  • Ариу сёз джыланны орнундан чыгъарыр.
  • Ашхылыкъ джерде джатмайды, аманлыкъ суугъа батмайды.
  • Эки элинги тыйсанг, джети элде махталырса.
  • Зар адамны насыбы болмаз.
  • Эрни эр этерик да, къара джер этерик да, тиширыуду.
  • Адеби болмагъан къыз – тузсуз хант.
  • Ичимден чыкъды хата, къайры барайым сата?
  • Аш берме да, къаш бер.
  • Ёмюрлюк шохлукъну джел элтмез.
  • Ётюрюкден тюбю джокъ, кёлтюрюрге джиби джокъ.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Тилчи тилден къаныкъмаз.
  • Окъумагъан сокъурду, сокъур ташха абыныр!
  • Алгъанда – джууукъ, бергенде – джау.
  • Ёнгкюч къууана барыр, джылай келир.
  • Ёлюр джаннга, ёкюл джокъ.
  • Ариу – кёзге, акъыл – джюрекге.
  • Кимни – тили, тиши онглу, кимни – къолу, иши онглу.
  • Биреу къой излей, биреу той излей.
  • Джангыз терек къынгыр ёсер.
  • Рысхысына кёре, джаш ёсер, къышлыгъына кёре, мал ёсер.
  • Кёз – сюйген джерде, къол – ауругъан джерде.
  • Кесинге джетмегенни, кёб сёлешме.

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии