Расширенный поиск
23 Февраля 2025 года
Логин: Регистрация
Пароль: Забыли пароль?
Навигация
Словарь
  • Малны кют, джерни тюрт.
  • Аманны тукъумуна къарама, игини тукъумун сорма.
  • Ойнаб айтсанг да, эслеб айт.
  • Накъырданы арты керти болур.
  • Айныгъанлы алты кюн, тогъайгъанлы тогъуз кюн.
  • Тенги кёбню джау алмаз, акъылы кёбню дау алмаз.
  • Ат да турмайды бир териде.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Ач къарным, тынч къулагъым.
  • Къонакъ аз олтурур, кёб сынар.
  • Эки къатын алгъан – эки ташны ортасына башын салгъан.
  • Келгинчи, къонакъ уялыр, келгенден сора, къонакъбай уялыр.
  • Aдам боллукъ, сыфатындан белгили.
  • Джюрекге ариу – кёзге да ариу.
  • Ётюрюк хапар аякъ тюбю бла джюрюйдю.
  • Акъыллы айтыр эди, акъылсыз къоймайды.
  • Бир онгсуз адам адет чыгъарды, деб эштирик тюлсе.
  • Ачыкъ джюрекге джол – ачыкъ.
  • Акъыл бла адеб эгизледиле.
  • Гырджын – тепсини тамадасы.
  • Къарнынг ауруса, ауузунгу тый
  • Уллу айтханны этмеген – уллаймаз.
  • Тау башында, тау болмаз, джангыз терек, бау болмаз.
  • Кёл ашады да, кеси ашады.
  • Ата джурт – алтын бешик.
  • Тёзгеннге, джабылгъан эшик ачылыр.
  • Кёзю сокъурдан – къоркъма, кёлю сокъурдан – къоркъ.
  • Бойнуму джети джерден кессенг да, мен ол ишни этеллик тюлме.
  • Кёб джашагъан – кёб билир.
  • Тойгъа барсанг, тоюб бар, эски тонунгу къоюб бар.
  • Чёбню кёлтюрсенг, тюбюнден сёз чыгъар.
  • Къайтырыкъ эшигинги, къаты уруб чыкъма.
  • Къонагъы джокъну – шоху джокъ.
  • Халкъны джырын джырласанг, халкъ санга эжиу этер.
  • Чакъырылгъанны аты, чакъырылмагъанны багъасы болур.
  • Аууздан келген, къолдан келсе, ким да патчах болур эди.
  • Ётюрюкню къуйругъу – бир тутум.
  • Чомарт джарлы болмаз.
  • Аманны эки битли тону болур, бирин сеннге кийдирир, бирин кеси киер.
  • Къыз тиширыу кеси юйюнде да къонакъды.
  • Кёзюнде тереги болгъан, чёбю болгъаннга кюле эди.
  • Тенгинг джокъ эсе – изле, бар эсе – сакъла!
  • Алгъанда – джууукъ, бергенде – джау.
  • Башынга джетмегенни сорма.
  • Рысхы – сют юсюнде кёмюк кибикди.
  • Эринчекге кюн узун.
  • Ариу сёз – къылычдан джити.
  • Байны къызы баймакъ болса да, юйде къалмаз!
  • Ёгюзню мюйюзлери ауурлукъ этмейдиле.
  • Ёлген ийнек сютлю болур.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии