Расширенный поиск
16 Апреля 2025 года
Логин: Регистрация
Пароль: Забыли пароль?
Навигация
Словарь
  • Нарт сёз къарт болмаз.
  • Ётюрюкден тюбю джокъ, кёлтюрюрге джиби джокъ.
  • Битмегеннге сакъал – танг.
  • Аджаллыгъа окъсуз шкок атылыр.
  • Ёксюзню къалачы уллу кёрюнюр.
  • Тура эдим джата, къайдан чыкъды хата?
  • Ата Джуртуму башы болмасам да, босагъасында ташы болайым.
  • Ашда уялгъан – мухар, ишде уялгъан – хомух.
  • Аджалсыз ёлюм болмаз.
  • Ойнаб айтсанг да, эслеб айт.
  • Адам сёзге тынгыла, акъыл сёзню ангыла.
  • Ауругъаннга – кийик саулукъ, джетген къызгъа – чилле джаулукъ.
  • Джерни букъусу кёкге къонмаз.
  • Джарлыны тону джаз битер.
  • Эр абынмай, эл танымаз.
  • Хаухну атма, ёнгкючню сатма.
  • Ойнай билмеген, оюн бузар.
  • Телини эшигин, махтау джабар.
  • Къаллай салам берсенг, аллай джууаб алырса.
  • Ач къалгъандан, кеч къалгъан къолай.
  • Аджашхан тёгерек айланыр.
  • Шайтан алдады, тюзлюк къаргъады.
  • Башы ишлегенни, ауузу да ишлер.
  • Зар адамны насыбы болмаз.
  • Ашхы сёз таш тешер.
  • Ёгюзню мюйюзлери ауурлукъ этмейдиле.
  • Айран ичген – къутулду, джугъусун джалагъан – тутулду.
  • Сескекли кесин билдирир.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Къатын къылыкъсыз, эр тынчлыкъсыз.
  • Насыб бютеу халкъны юлюшюдю.
  • Эки ойлашыб, бир сёлешген.
  • Ёлген эшек бёрюден къоркъмайды.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Къралынгы – душмандан, башынгы от бла суудан сакъла.
  • Уллу сёлешме да, уллу къаб.
  • Кёлсюзден сёзсюз тууар.
  • Мураты болгъанны джюрек тебюую башхады.
  • Ишленмеген джаш – джюгенсиз ат, ишленмеген къыз – тузсуз хант.
  • Бал чибинни ургъаны – ачы, балы – татлы.
  • Джаханимни кёрмей, джандетге кёл салмазса.
  • Намыс сатылыб алынмайды.
  • Ачыу алгъа келсе, акъыл артха къалады.
  • Къартны бурнун сюрт да, оноугъа тут.
  • Къатыны харакетли болса, эри къымсыз болур.
  • Адам боллукъ, атламындан белгили болур.
  • Акъыллы – эл иеси, тели – эл баласы.
  • Атлыны кёрсе, джаяуну буту талыр.
  • Тойгъандан сора, ашны сёкме.
  • Таула не мийик болсала да, аууш табылыр.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии