Расширенный поиск
19 Мая 2024 года
Логин: Регистрация
Пароль: Забыли пароль?
Навигация
Словарь
  • Окъдан джара эртде-кеч болса да бителир, сёз джара, ёмюрге къалыр.
  • Ариу джол аджал келтирмез.
  • Къолунгдан къуймакъ ашатсанг да, атаны борчундан къутулмазса.
  • Аман эсирсе, юйюн ояр.
  • Аз айтсам, кёб ангылагъыз.
  • Шайтан алдады, тюзлюк къаргъады.
  • Сёлеш деб шай берген, тохта деб, сом берген.
  • Кёбге таш атма.
  • Джарлыны эшигин махтагъан джабар.
  • Кёзден кетген, кёлден да кетеди.
  • Билмейме деген – бир сёз
  • Биреуге аманлыкъны тилеме да, кесинге ашхылыкъны тиле.
  • Айранын берсенг, челегин да къызгъанма.
  • Чакъырылмагъан джерге барма, чакъырылгъан джерден къалма.
  • Къонакъ хазыр болгъанлыкъгъа, къонакъбай хазыр тюлдю.
  • Битмегеннге сакъал – танг.
  • Аманны къуугъан, аманлыкъ табар.
  • Эри аманны, къатыны – аман.
  • Адамны аты башхача, акъылы да башхады.
  • Къобан да къуру да къобханлай турмайды, адам да къуру да патчахлай турмайды.
  • Бал ашаргъа сюе эсенг, чибин ургъаннга тёз.
  • Мухардан ач ычхынмаз.
  • Уясында не кёрсе, учханында аны этер.
  • Джашынгы кесинг юретмесенг, джашау юретир.
  • Къуру гыбыт бек дыгъырдар.
  • Ишлегенде эринме, ишде чолакъ кёрюнме.
  • Аууздан келген, къолдан келсе, ким да патчах болур эди.
  • Алтыда кюлмеген, алтмышда кюлмез.
  • Тёзген – тёш ашар!
  • Ашхы сёз таш тешер.
  • Элге къуллукъ этмеген, элге ие болмаз.
  • Артына баргъанны, къатына барма.
  • Таукел адам тау тешер.
  • Ашыкъгъан cуу, тенгизге джетмез.
  • Телиге от эт десенг, юйюнге от салыр.
  • Бир онгсуз адам адет чыгъарды, деб эштирик тюлсе.
  • Иги адамны бир сёзю эки болмаз.
  • Аманны эки битли тону болур, бирин сеннге кийдирир, бирин кеси киер.
  • Ёзденликни кёбю ётюрюк.
  • Чабакъ башындан чирийди.
  • Намысы джокъну – дуниясы джокъ.
  • Ишленмеген джаш – джюгенсиз ат, ишленмеген къыз – тузсуз хант.
  • Сескекли кесин билдирир.
  • Джарлыны тону джаз битер.
  • Тёрдеги кюлсе, эшикдеги ышарыр.
  • Хар зат кесини орнуна иги.
  • Тойгъандан сора, ашны сёкме.
  • Бичгенде ашыкъма, тикгенде ашыкъ.
  • Суугъа – таянма, джаугъа – ийнанма.
  • Джеринден айырылгъан – джети джылар, джуртундан айырылгъан – ёлгюнчю джылар.

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии