Расширенный поиск
18 Мая 2024 года
Логин: Регистрация
Пароль: Забыли пароль?
Навигация
Словарь
  • Тили узунну, намысы – къысха.
  • Аурууну келиую тынч, кетиую – къыйын.
  • Акъыл бла адеб эгизледиле.
  • Адам къаллай бир ишленмесе, аллай бир кесин уллу кёреди.
  • Байдан умут эте, джарлыдан ёгюз багъасы къорады.
  • Акъыллы эркиши атын махтар, акъылсыз эркиши къатынын махтар.
  • Къулакъдан эсе, кёзге ышан.
  • Ётюрюкден тюбю джокъ, кёлтюрюрге джиби джокъ.
  • Чабакъ башындан чирийди.
  • Бир абыннган – минг сюрюнюр.
  • Къуллукъчума, деб махтанма, къуллукъ – хаух джамчыды!
  • Ариу сёз – къылычдан джити.
  • Къонакъ аман болса, къонакъбай джунчур
  • Айтылгъан буйрукъ, сёгюлмез
  • Биреу ашаб къутулур, биреу джалаб тутулур.
  • Эр абынмай, эл танымаз.
  • Билмегенинги, билгеннге сор.
  • Ёлюк кебинсиз къалмаз.
  • Ишленмеген джаш – джюгенсиз ат, ишленмеген къыз – тузсуз хант.
  • Аджашханны ызындагъы кёреди, джангылгъанны джанындагъы биледи.
  • Кёпюр салгъан кеси ётер, уру къазгъан кеси кетер.
  • Къатын байлыкъны сюер, эр саулукъну сюер.
  • Ашхы сёз таш тешер.
  • Таукелге нюр джауар.
  • Ашхы – джыяр, аман – джояр.
  • Къарт айтханны этмеген, къартаймаз.
  • Къарнынг бла ёч алма.
  • Аман адам элни бир-бирине джау этер.
  • Мал кёб болса, джууукъ кёб болур.
  • Байлыкъ адамны сокъур этер.
  • Тил джюрекге джол ишлейди.
  • Сескекли кесин билдирир.
  • Кийимни бичсенг, кенг бич, тар этген къыйын тюлдю.
  • Къумурсхала джыйылсала, пилни да джыгъадыла.
  • Сабийни джумушха джибер да, ызындан бар.
  • Уллу сёзде уят джокъ.
  • Эри аманны, къатыны – аман.
  • Aдам боллукъ, сыфатындан белгили.
  • Сакъламагъан затынга джолукъсанг, не бек къууанаса, не бек ачыйса.
  • Эркиши – от, тиширыу – суу.
  • Магъанасыз сёз – тауушсуз сыбызгъы.
  • Соргъан айыб тюлдю, билмеген айыбды.
  • Чакъырылмагъан джерге барма, чакъырылгъан джерден къалма.
  • Эски джаугъа ышанма.
  • Къызбайны юйюне дери сюрсенг, батыр болур.
  • Махтаннган къыз, тойда джукълар.
  • Чомарт къонакъ юй иесин сыйлар.
  • Къыйынлы джети элни къайгъысын этер.
  • Къобан да къуру да къобханлай турмайды, адам да къуру да патчахлай турмайды.
  • Джарлы тюеге минсе да, ит къабар.

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии