Расширенный поиск
18 Апреля 2025 года
Логин: Регистрация
Пароль: Забыли пароль?
Навигация
Словарь
  • От кюйдюрген, сау болса да, тот кюйдюрген, сау болмаз.
  • Аманнга игилик этсенг, юйюнге сау бармазса.
  • Киштикге къанат битсе, чыпчыкъ къалмаз эди.
  • Къазанчы аман болса, къазаны къайнамаз.
  • Абынмазлыкъ аякъ джокъ, джангылмазлыкъ джаякъ джокъ.
  • Арбаз сайлама да, хоншу сайла.
  • Керти сёзге тёре джокъ.
  • Этни да ашады, бетни да ашады.
  • Суу ичген шауданынга тюкюрме.
  • Кюлме джашха – келир башха.
  • Олтуруб кёрюнмей эди да, ёрге туруб кёрюне эди.
  • Джыйырма къойну юч джыйырма эбзе кюте эди.
  • Ата Джуртун танымагъан, атасын да танымаз.
  • Джарлы тюеге минсе да, ит къабар.
  • Мени джылытмагъан кюн, меннге тиймесин!
  • Тойну къарнашы – харс, джырны къарнашы – эжиу.
  • Джерни букъусу кёкге къонмаз.
  • Сагъышы джокъ – джукъучу, акъылы джокъ – къаугъачы.
  • Гугук кесини атын айтыб къычыргъанча, мен, мен деб нек тураса?
  • Аз сёлешген, къайгъысыз турур.
  • Къая джолда джортма, ачыкъ сёзден къоркъма.
  • Тешик этген тынчды, аны джамагъан къыйынды.
  • Эл ауузу – элек, анга ийнаннган – халек.
  • Тойгъан антын унутур.
  • Ач отунчуну ачыуу – бурнунда.
  • Ашаса, ашамаса да, бёрюню ауузу – къан.
  • Хаухну атма, ёнгкючню сатма.
  • Сёз сёзню айтдырыр.
  • Ана – юйню кюн джарыгъы.
  • Ишни ахырын ойламай, аллын башлама.
  • Кёзюнде тереги болгъан, чёбю болгъаннга кюле эди.
  • Тыш элде солтан болгъандан эсе, кесинги элде олтан болгъан игиди!
  • Джаханимни кёрмей, джандетге кёл салмазса.
  • Эртде тургъан джылкъычыны эркек аты тай табар.
  • Ишлерге уял да, ашаргъа табма.
  • Биреуню эскиси биреуге джангы болмайды.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Эл элде бирер малынг болгъандан эсе, бирер тенгинг болсун.
  • Джетген къыз джерли эшекни танымаз.
  • Къартны бурнун сюрт да, оноугъа тут.
  • Айырылмаз джууугъунга, унутмаз сёзню айтма.
  • Тас болгъан бычакъны сабы – алтын.
  • Тенги кёбню джау алмаз, акъылы кёбню дау алмаз.
  • Кёб джашагъан – кёб билир.
  • Эки ойлашыб, бир сёлешген.
  • Кесине оноу эте билмеген, халкъына да эте билмез.
  • Чабакъ башындан чирийди.
  • Хар адамгъа кеси миннген тау кибик.
  • Бир онгсуз адам адет чыгъарды, деб эштирик тюлсе.
  • Къартны сыйын кёрмеген, къартлыгъында сыйлы болмаз.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии